Kaash ki tu hota

Kaash ki tu hota
ye duniya kuch aur hi cheez hoti
kisi garib ka bharosa shayad thoda kam tut ta
pyaar ki chat (roof) thodi aur upper hoti
bebasi aur lachari ka jawab hota

par to hota to shayad umeede jada hoti
sawal jada hote
aur zindagi ka matlab jaanke uska matlab kho diya hota

Hum musafir

kuch ek do patte leke ghumnte hain apne jebo mein...
ek bus se uttar ke dusre bus ki aane tak
kuch ek do musafir dhunde lete hein hum jaise hi

inke sath zameen par, kapda beecha kar
kuch khel lete hain pate hum bhi

bachpan, sangharsh, khushi, dukh, kamyabi ke yadoon ke ye patte
bade ajeeb
dusri bus ke anne tak
hamesha ginti mein bad jaate hein..
kuch mere unke pass chale jate hein..kuch unke mere pass aajate hain